मरुभूमिमा यसरी गरिन्छ पानीको खेती |

पानी बिना जीवनको अस्तित्व असम्भव छ भन्ने कुरा हामीलाई थाहा छ र महसुस पनि गर्न सकिन्छ । बाँच्नका लागि जसरी भए पनि पानीको जोहो गर्नैपर्ने हुन्छ । पिउने पानीको जोहो गर्ने सिलसिलामा मोरक्कोले आफ्नो देशका मरुभूमिमा पानीको अनौठो खेती सुरु गरेको छ । त्यहाँको मरुभूमिमा पानी उत्पादन गर्नका लागि हावामा रहेको ओसलाई जम्मा गर्ने अनौठो प्रविधिको प्रयोग भइरहेको छ । यो प्रविधिबाट उत्पादन गरिएको पानीले ५ गाउँका ४ सय मानिसहरुलई पानीको आपूर्ती भैरहेको छ । सुख्खा तथा खाली मरुभूमिका खुला ठाउँहरुमा फग क्याचर अर्थात् हुस्सु समात्नेवाला जाल हालिएको छ । उक्त जाल अत्याधुनिक हो । त्यसमा रहेको प्रविधिले हुस्सु तथा हावामा रहेको ओसिलोपनाबाट पानी छुट्टाएर जम्मा गर्दछ । यसरी निकालिएको पानीले केवल गाउँलेहरुको घाँटी रुझेको मात्र छैन, मरुभूमिमा समेत पानी पोखिनाले रुखबिरुवा उमि्रन थालेका छन् ।