श्रीमानले चलाएको ट्याक्टरबाट खस्दा श्रीमतीको मृत्यु |

मंसिर २५, २०७३- नवलपरासीको मध्यविन्दु नगरपालिका–९ झ्यालबासमा श्रीमान्ले चलाएको ट्याक्टरबाट खसेर श्रीमतीको मृत्यु भएको छ । जिल्ला प्रहरी कार्यालय नवलपरासीले दिएको जानकारीअनुसार शुक्रबार राति चोरमारामा लु २ त १२ २३ नम्बरको ट्याक्टरबाट खसेर मध्यविन्दु नगरपालिका–७ बस्ने वर्ष ४८ कि सुनही महतोको ज्यान गएको हो । ट्याक्टर चालक सुकाराम महतोले चलाएको ट्याक्टरबाट खसेर गम्भीर घाइते महत्तोको मध्यविन्दु सामुदायिक स्मृति अस्पताल डण्डामा उपचारको क्रममा ज्यान गएको हो ।